Մրցակցությունը կորոշի, թե ով կլինի «Չելսիի» հիմնական դարպասապահը, ասել է լոնդոնյան ակումբի պորտուգալացի գլխավոր մարզիչ Ժոզե Մոուրինյոն:
«Չեխի ապագան «Չելսիում» հարցականի տակ չէ: Նա կարողացավ վիրահատությունից հետո ռեկորդային սեղմ ժամկետում ապաքինվել եւ այժմ շատ է աշխատում: Չեխը պատրաստ է խաղալ առանց սահմանափակումների եւ պատրաստ է պայքարել հիմնական տեղի համար:
Կուրտուան դեռ նոր է տեղափոխվել «Չելսի»: Անկասկած, նա աշխարհի լավագույն երիտասարդ դարպասապահն է: Նրանք կմրցակցեն խաղալու իրավունքի համար: Ինձ համար սա հաճելի խնդիր է: Ես երբեք չեմ վախեցել որոշում ընդունել»,- Ժոզե Մոուրինյոյի խոսքը մեջբերում է espn-ը:
Հիշեցնենք, որ Տիբո Կուրտուան Մադրիդի «Աթլետիկոյում» երկու մրցաշրջան վարձավճարով հանդես գալուց հետո վերադարձել է «Չելսի»։
Հետևեք NEWS.am SPORT-ին Facebook-ում, Twitter և Telegram-ում