Ֆուտբոլի Բրազիլիայի օլիմպիական հավաքականի գլխավոր մարզիչ Ալեշանդրե Գալոն ցանկանում է 2016թ. Ռիոյի Օլիմպիական խաղերում բրազիլացիների կազմում տեսնել «Բարսելոնայի» հարձակվող Նեյմարին: 2012թ. Լոնդոնի Օլիմպիական խաղերի ֆուտբոլի մրցաշարի եզրափակիչում Բրազիլիան պարտվեց մեքսիկացիներին:
«Մենք երբեք չենք նվաճել Օլիմպիական խաղերի ոսկե մեդալը ֆուտբոլում: Լավագույն ֆուտբոլիստները պետք է խաղան բոլոր մրցաշարերում: Նեյմարը մեզ շատ կօգներ»,- Գալոյի խոսքը մեջբերում է Mundo Deportivo-ն:
Եթե Նեյմարը մասնակցի Օլիմպիական խաղերին, ապա բաց կթողնի Ամերիկայի գավաթի խաղարկությունը:
Հետևեք NEWS.am SPORT-ին Facebook-ում, Twitter և Telegram-ում