Հայաստանի ազգային հավաքականի եւ «Կրասնոդարի» ռմբարկու Յուրա Մովսիսյանը սահմանել է մեկ մրցաշրջանի ընթացքում գոլային արդյունավետության ակումբային ռեկորդ։
«Կրասնոդար» ակումբը կազմավորվել է 2008-ին։ Անցած ժամանակահատվածում ակումբի ռեկորդակիրը Դենիս Դորոժկինն էր, որը երկրորդ դիվիզիոնի Հարավային գոտու մրցաշարում դարձել է 12 գոլի հեղինակ։
2010-ից թիմն արդեն հանդես էր գալիս առաջին դիվիզիոնում, եւ այն ժամանակ լավագույն ռմբարկուն Սպարտակ Գոգնիեւն էր՝ 18 գոլ։ Սակայն մրցաշրջանի առաջին հատվածում Գոգնիեւը հանդես էր գալիս «Կամազում», որի կազմում էլ խփել է այդ 18 գնդակներից 13-ը։
Յուրա Մովսիսյանը, Ռուսաստանի Պրեմյեր լիգայի առաջնության 42-րդ տուրում գրավելով «Ամկարի» դարպասը, ընթացիկ մրցաշրջանում գոլերի թիվը հասցրեց 13-ի եւ գերազանցեց «Կրասնոդարի» խաղացողների նախորդ նվաճումները։
Հետևեք NEWS.am SPORT-ին Facebook-ում, Twitter և Telegram-ում