«Մանչեսթեր Յունայթեդի» հարձակվող Ուեյն Ռունիի՝ 2010/11 մրցաշրջանում «Մանչեսթեր Սիթիի» դարպասը խփած գնդակը երկրպագուների կողմից ճանաչվել է անգլիական Պրեմյեր լիգայի 20-րդ դարի լավագույն գոլ, հաղորդում է Daily Mail-ը:
Հիշեցնենք, որ այդ խաղում Ռունիի խփած գոլի շնորհիվ «Յունայթեդը» հաղթեց մանչեսթերյան դերբիում:
Երկրորդ տեղում է հայտնվել Լոնդոնի «Արսենալի» նախկին հարձակվող Դենիս Բերգկամպի ֆանտաստիկ գոլը: 2002-ին հոլանդացին գեղեցիկ գոլ խփեց «Նյուքասլի» դարպասը:
Լավագույն եռյակը եզրափակել է «Արսենալի» պատմության լավագույն ռմբարկու Թիերի Անրիի՝ 2000թ. «Մանչեսթեր Յունայթեդի» դարպասը խփած գեղեցիկ գոլը:
Նմանատիպ հարցում անկացվել էր նաեւ 2002 թվականին: Այն ժամանակ լավագույն գոլ էր ճանաչվել «Մանչեսթեր Յունայթեդի» նախկին կիսապաշտպան Դեյվիդ Բեքհեմի՝ «Ուիմբլդոնի» դարպասը խփած գոլը:
Հետևեք NEWS.am SPORT-ին Facebook-ում, Twitter և Telegram-ում