Անգլիայի հավաքականի գլխավոր մարզիչ է նշանակվել «Վեստ Բրոմվիչ Ալբիոնի» մարզիչ Ռոյ Հոջսոնը, հաղորդում է Անգլիայի ֆուտբոլայի ասոցիացիայի պաշտոնական կայքը։
64-ամյա մասնագետի հետ կնքվել է չորս տարվա պայմանագիր։ Նրա գլխավորությամբ Անգլիայի հավաքականը հանդես կգա Եվրո-2012-ում, 2014թ. աշխարհի առաջնությունում եւ 2016թ. Եվրոպայի առաջնությունում։
Հոջսոնը նախկինում գլխավորել է Շվեյցարիայի, Ֆինլանդիայի եւ Արաբական Միացյալ Էմիրությունների հավաքականները։
Ակումբային մակարդակում Հոջսոնը գլխավորել է «Ինտերը», «Բլեքբեռնը», «Գրասհոպերսը», «Կոպենհագենը», «Ֆուլհեմը» եւ «Լիվերպուլը»։
Հիշեցնենք, որ փետրվարին հրաժարական տվեց Անգլիայի հավաքականի իտալացի մարզիչ Ֆաբիո Կապելոն։
Հետևեք NEWS.am SPORT-ին Facebook-ում, Twitter և Telegram-ում