Ապրլի 29-ին, Երեւանի Խուլ-համրերի մշակույթի պալատում կայացավ Դուքենդո միջազգային ֆեդերացիայի Հայաստանի Կենտրոնական մարզադպրոցի բաց առաջնությունը: Առաջնությանը մասնակցում էին Գեղարքունիքի, Կոտայքի, Արարատի, Արագածոտնի, Արմավիրի, Շիրակի, Երեւանի վարչական շրջանների մարզադպրոցների սաները: Առաջնության ժամանակ, 310 մարզիկներ` տարբեր քաշային կարգերում, փորձեցին իրենց ուժերը: Մրցաշարը ընդհանուր առմամբ Point մենամարտի շրջանակներում էր եւ ընթացավ որակավորման երկու ձեւով` ուղեգրային եւ ոչ ուղեգրային:
Ուղեգրային ձեւի մեջ 1-ին եւ 2-րդ տեղերը զբաղեցրած մարզիկները իրավունք են ստանում մասնակցելու Հայաստանի առաջնություններին, իսկ ոչ ուղեգրայինը` պարզապես փորձ ձեռք բերելու համար է: Մրցումների կազմակերպիչն էր Դուքենդո ֆեդերացիայի փոխնախագահ և կենտրոնական մարզադպրոցի տնօրեն Կարեն Կարապետյանը:
Մրցաշարին ներկա էին Դուքենդո միջազգային ֆեդերացիայի նախագահ Գոռ Վարդանյանը եւ Հայաստանի Դուքենդո ֆեդերացիայի նախագահ Հայկ Վարդանյանը: Մրցաշարը անցավ բարձր մակարդակով:Մրցաշարը անցկացվեց SPORT CITY, 1 PRINT եւ LIDA ապրանքանիշների հովանու ներքո:
Հիշեցնենք նաեւ, որ սրանից մոտ 20 օր առաջ Դուքենդո ֆեդերացիայի` Հրազդանի մասնաճյուղի սան Արտակ Ռաֆայելյանը համալրեց գինեսի ռեկորդակիրների շարքը կատարելով ռեկորդային քանակով որովայնի հրում վարժություն: Վերջինս մրցաշարի ընթացքում պարգեւատրվեց հատուկ մրցանակով` դյուցազնագրքի հանձնաժողովի նախագահ Վարդան Թովմասյանի կողմից:
Հետևեք NEWS.am SPORT-ին Facebook-ում, Twitter և Telegram-ում
09:03 , 18 մայիսի 
00:47 , 18 մայիսի 
00:08 , 18 մայիսի 
23:25 , 17 մայիսի 
23:10 , 17 մայիսի 
22:37 , 17 մայիսի 
22:03 , 17 մայիսի 
21:31 , 17 մայիսի 
21:02 , 17 մայիսի 
20:37 , 17 մայիսի 
