Ֆուտբոլի Գերմանիայի առաջնության նախավերջին տուրում չեմպիոնի տիտղոսն ապահոված Դորտմունդի «Բորուսիան» հյուրընկալվելիս 5:2 հաշվով առավելության հասավ վերջին տեղում ամրապնդված «Կայզերսլաուտերնի» նկատմամբ: Չեմպիոնի կազմում հեթ-տրիկի հեղինակ դարձավ Պարագվայի հավաքականի հարձակվող Լուկաս Բարիոսը:
Երկրորդ տեղն ապահոված Մյունխենի «Բավարիան» սեփական խաղադաշտում երկու անպատասխան գնդակ ուղարկեց «Շտուտգարտի» դարպասը: Մեկական գոլ խփեցին Գերմանիայի հավաքականի խաղացողներ Մարիո Գոմեսն ու Թոմաս Մյուլերը:
Վերջին տուրից առաջ երրորդ տեղն ապահովեց Գելզենկիրխենի «Շալկեն», իսկ չորրորդ տեղը՝ Մյոնխենգլադբախի «Բորուսիան»:
«Կայզերսլաուտերնը» հաջորդ մրցաշրջանում հանդես կգա երկրորդ Բունդեսլիգայում: «Քյոլն» ու «Հերտան» կպայքարեն 14-րդ տեղի համար: 14-րդ տեղ գրաված թիմն անցումային հանդիպումներ կանցկացնի երկրորդ Բունդեսլիգայի երրորդ թիմի հետ:
Գերմանիայի առաջնություն. 34-րդ տուր
«Բավարիա» - «Շտուտգարտ»՝ 2:0
Գոմես, 32, Մյուլեր, 90
«Հոֆենհայմ» - «Նյուրնբերգ»՝ 2:3
Բեկ, 22, Բրեդֆեյդ, 88 – Պեկհարտ, 9, 71, Դիդավի, 45
«Բորուսիա Մ.» - «Աուգսբուրգ»՝ 0:0
«Վոլֆսբուրգ» - «Վերդեր»՝ 3:1
Սալիհամիջիչ, 40, Հելմես, 66, 88 – Ռոզենբերգ, 45
«Համբուրգ» - «Մայնց»՝ 0:0
«Բայեր» - «Հանովեր»՝ 1:0
Կիսլինգ, 75
«Շալկե» - «Հերտա»՝ 4:0
Հունտելար, 32, 88, Հոլթբի, 37, Ռաուլ, 84
«Ֆրայբուրգ» - «Քյոլն»՝ 4:1
Մույջա, 36, Գեդե, 54, Կալիջուրի, 84, Ֆրայս, 90 – Պոդոլսկի, 47
«Կայզերսլաուտերն» - «Բորուսիա Դ.»՝ 2:5
Սանտանա, 16 (ինքնագոլ), Դե Բիտ, 49 – Բարիոս, 18, 26, 55, Գյոտցե, 33, Պերիշիչ, 77
Հետևեք NEWS.am SPORT-ին Facebook-ում, Twitter և Telegram-ում