Գվարդիոլան իմ իմացած մարզիչներից մեծագույնն է, հայտարարել է Լոնդոնի «Արսենալի» գլխավոր մարզիչ Արսեն Վենգերը:
«Ժամանակակից ֆուտբոլում «Բարսելոնայի» փիլիսոփայությունը մնում է ամենահզորը: Այդ փիլիսոփայությունը կատալոնական ակումբին թույլ տվեց հաղթանակած քայլել ամբողջ աշխարհում:
Ես չէի ցանկանա, որ Գվարդիոլան լքեր ակումբը, բայց ես հարգում եմ նրա որոշումը եւ հասկանում եմ նրան: Հնարավոր չէ մշտապես աշխատել մեկ շնչով: Կողքից սթրեսը չի երեւում: Գվարդիոլան իմ իմացած մարզիչներից մեծագույնն է:
Հուսով եմ` մեկ տարի հետո նա կվերադառնա եւ կշարունակի իր հրաշալի աշխատանքը», - Վենգերի խոսքը մեջբերում է France Football-ը:
Հետևեք NEWS.am SPORT-ին Facebook-ում, Twitter և Telegram-ում