Յուրայի խաղն այսօր ինձ այդքան էլ չգոհացրեց. կարծում եմ` նա կարող էր ավելի լավ խաղալ եւ ավելի շատ գոլեր խփել, NEWS.am Sport-ի թղթակցի հետ զրույցում ասել է Յուրա Մովսիսյանի հայրը` Սերգեյ Մովսիսյանը: Ապրիլի 27-ին Ռուսաստանի առաջնության 41-րդ տուրում «Կրասնոդարը» սեփական խաղադաշտում 2:1 հաշվով առավելության հասավ Նիժնի Նովգորոդի «Վոլգայի» նկատմամբ: Հայաստանի ազգային հավաքականի ֆուտբոլիստ Յուրա Մովսիսյանը դարձավ դուբլի հեղինակ: Յուրայի գեղեցիկ խաղի ականատեսն է եղել նրա հայրը, ով հանդիպումը դիտել է ստադիոնում:
Պարոն Մովսիսյան, հաճելի զուգադիպություն ստացվեց. Դուք ներկա եղաք հանդիպմանը եւ Յուրան գերազանց խաղ անցկացրեց: Հատուկ այս խաղի համա՞ր էիք ժամանել Կրասնոդար:
Ես Յուրայի ընտանիքին եմ բերել Կրասնոդար, իսկ այս խաղը նախօրոք էի պլանավորել, որ պետք է նայեմ: Ես մարզադաշտում նրա խաղերը շատ եմ դիտել:
Երեւի Յուրայի այսօրվա շատ լավ խաղը կապված էր ընտանիքի վերադառնալու եւ Ձեր ներկայության հետ:
Գուցե, բայց ինձ նրա խաղն այսօր այդքան էլ չգոհացրեց:
Ինչո՞ւ:
Կարծում եմ կարող էր ավելի լավ խաղալ եւ ավելի շատ գոլեր խփել:
Ցանկանո՞ւմ եք` Յուրան շարունակի ելույթը «Կրասնոդարում», թե՞ եկել է ուրիշ թիմ տեղափոխվելու ժամանակը:
Դժվար հարց է: Կարծում եմ նա արդեն կարող է ավելի լավ թիմերում խաղալ: Ինձ համար կարեւոր է, որ նա ավելի բարձր մակարդակի ֆուտբոլ խաղա: Ես միշտ իրենից ավելին եմ պահանջում: Եթե ես իրենից գոհ լինեմ` գուցե, նա ավելի մեծ հաջողությունների չհասնի: Այդ պատճառով ես միշտ իրենից ավելին եմ սպասում:
Յուրան շատ հայրենասեր է: Դաստիարակությա՞ն արդյունք է:
Մենք հայ ենք եւ հպարտանում ենք դրանով: Մենք ունենք հայի թասիբ եւ պետք է անենք ամեն բան, որ հայ ազգի պատիվը բարձր պահենք:
Զրուցեց Վերա Մարտիրոսյանը
Հետևեք NEWS.am SPORT-ին Facebook-ում, Twitter և Telegram-ում
00:44 , 19 մայիսի 
23:16 , 18 մայիսի 
22:21 , 18 մայիսի 
21:49 , 18 մայիսի 
21:05 , 18 մայիսի 
20:46 , 18 մայիսի 
20:33 , 18 մայիսի 
20:02 , 18 մայիսի 
19:41 , 18 մայիսի 
19:25 , 18 մայիսի 
