Անգլիական «Չելսիի» ավագ Ջոն Թերին կարող է բարձրացնել Չեմպիոնների լիգայի գավաթը եւ մասնակցել մեդալների հանձնման արարողությանը, եթե լոնդոնցիները եզրափակիչում հաղթեն Մյունխենի «Բավարիային»: Նման որոշում է կայացրել ՈւԵՖԱ-ի ղեկավարությունը, հաղորդում է The Telegraph-ը:
Հիշեցնենք, որ Թերին կարմիր քարտի է արժանացել կիսաեզրափակիչի՝ «Բարսելոնայի» հետ պատասխան խաղում, այդ իսկ պատճառով չի կարող մասնակցել եզրափակիչ հանդիպմանը:
Չեմպիոնների լիգայի եզրափակիչը կկայանա մայիսի 19-ին Մյունխենի «Ալյանս Արենա» ստադիոնում:
Հետևեք NEWS.am SPORT-ին Facebook-ում, Twitter և Telegram-ում