Չեմպիոնների լիգայի կիսաեզրափակիչում Մյունխենի «Բավարիային» պարտվելու կապակցությամբ հիասթափություն է արտահայտել Մադրիդի «Ռեալի» դարպասապահ Իկեր Կասիլյասը` միաժամանակ արժանին մատուցելով մրցակցին:
«Մենք հրաշալի հանդիպում անցկացրեցինք, փայլուն սկսեցինք, սակայն հետխաղյա 11 մետրանոցների ժամանակ հաջողությունը մեր կողմը չէր: Մենք ունենք այն, ինչ ունենք:
«Բավարիան» հրաշալի էր խաղում: Մենք պետք է հաջողություն մաղթենք նրանց: Ցանկանում եմ շնորհակալություն հայտնել երկրպագուներին, բայց պետք է հասկանալ, որ հետխաղյա 11 մետրանոցները վիճակախաղ են», - Կասիլյասի խոսքը մեջբերում է Marca-ն:
Հիշեցնենք, որ Կասիլյասն ու Մանուել Նոյերը երկուական հարված հետ մղեցին:
Հետևեք NEWS.am SPORT-ին Facebook-ում, Twitter և Telegram-ում