Կատալոնական «Բարսելոնայի» եւ Արգենտինայի հավաքականի հարձակվող Լիոնել Մեսին ESPN-ի անցկացրած հարցման արդյունքում ընդգրկվել է ԱՄՆ-ի 10 ամենասիրված մարզիկների ցուցակում: 26-ամյա արգենտինացին զբաղեցրել է 7-րդ տեղը:
Պորտուգալիայի հավաքականի եւ Մադրիդի «Ռեալի» հարձակվող Կրիշտիանու Ռոնալդուն 21-րդն է, իսկ ֆուտբոլային կարիերան ավարտած Դեւիդ Բեքհեմը 47-րդ տեղում է: Լավագույն եռյակում հայտնվել են ամերիկացի բասկետբոլիստներ Մայքլ Ջորդանն ու Լեբրոն Ջեյմսը եւ ամերիկյան ֆուտբոլի ներկայացուցիչ Պեյտոն Մենինգը:
Լիոնել Մեսին առաջին ֆուտբոլիստն է, ով հայտնվում է ԱՄՆ-ի 10 ամենասիրված մարզիկների ցուցակում:
Հետևեք NEWS.am SPORT-ին Facebook-ում, Twitter և Telegram-ում