Հենրիխ Մխիթարյանն ունիվերսալ ֆուտբոլիստ է եւ կարող է խաղալ տարբեր դիրքերում, գրում է Goal.com-ը: Հեղինակավոր կայքը նույնպես անտարբեր չի մնացել Դոնեցկի «Շախտյորի» եւ Հայաստանի ազգային հավաքականի 24-ամյա կիսապաշտպանի՝ անգլիական «Լիվերպուլ» տեղափոխության մասին լուրերից:
«Լիվերպուլի» գլխավոր ձեռքբերումը կարող է դառնալ ունիվերսալ հայ կիսապաշտպան Հենրիխ Մխիթարյանը, ով կարող է խաղալ տարբեր դիրքերում: Նա արդեն մեծ ճանաչում է ձեռք բերել Ուկրաինայում եւ եվրոպական ֆուտբոլում: Ներկայումս «Շախտյորն» ու «Լիվերպուլը» բանակցում են: Հենրիխի տրանֆերային արժեքը գնահատվում է 22 միլիոն ֆունտ ստերլինգ: Նրա տեղափոխության հարցը լուծված է 60 տոկոսով»,- գրում է կայքը:
Հետևեք NEWS.am SPORT-ին Facebook-ում, Twitter և Telegram-ում