Վերջին հանդիպումներում Մալթայի խաղն ուժեղացել է, այսօր մեր թիմի համար հեշտ չի լինելու: Այն մասին NEWS.am Sport-ի թղթակցի հետ զրույցում ասաց Հայաստանի ազգային հավաքականի պաշտպան Լեւոն Հայրապետյանը, ով արդեն ապաքինվել է վնասվածքից, սակայն բաց կթողնի առաջիկա երկու հանդիպումները:
Հունիսի 7-ին Հայաստանի հավաքականը կընդունի Մալթային, իսկ հունիսի 11-ին կհյուրընկալվի Դանիայի թիմին:
«Մալթայի հավաքականը շատ կազմակերպաված թիմային պաշտպանություն ունի: Վերջին խաղերում Իտալիայի եւ Բուլղարիայի դեմ նրանց խաղը փոխվել է: Ուժեղացել են, ավելի լավ են դուրս գալիս պաշտպանությունից եւ անցնում հարձակման: Դժվար խաղ է սպասվում մեզ:
Առաջին խաղում չէինք թերագհանատել մրցակցին, բայց Մալթայի դեմ խաղալը դժվար է: Անգամ Իտալիան դժվարություն ունեցավ: Երբ սկսզբում գոլ չես խփում, խաղը դժվարանում է: Մի քանի գործոններ կային: Մալթայում շատ խոնավ եղանակ է եւ դժվար է այդ կլիմայական պայմաններում խաղալ: Բացի այդ դա մրցաշրջանի մեր առաջին խաղն էր: Ինչեւէ, կարեւորը, որ հաղթանակ տարանք: Այս պատասխան խաղը շատ դժվար է լինելու: Կարեւորը հաղթենք:
Ես արդեն լիովին ապաքինվել եմ: Պարզապես ընդամենը մեկ շաբաթ է, որ թիմի հետ եմ մարզվում եւ դեռ խաղային պարակտիկա չունեմ»,- ասաց Լեւոն Հայրապետյանը:
Հիշեցնենք, որ 2012թ. սեպտեմբերի 7-ին կայացած Մալթա - Հայաստան խաղում Արթուր Սարկիսովի գնդակը նվազագույն հաշվով հաղթանակ բերեց Վարդան Մինասյանի թիմին:
Վերա Մարտիրոսյան
Հետևեք NEWS.am SPORT-ին Facebook-ում, Twitter և Telegram-ում
09:06 , 19 մայիսի 
00:44 , 19 մայիսի 
23:16 , 18 մայիսի 
22:21 , 18 մայիսի 
21:49 , 18 մայիսի 
21:05 , 18 մայիսի 
20:46 , 18 մայիսի 
20:33 , 18 մայիսի 
20:02 , 18 մայիսի 
19:41 , 18 մայիսի 
