Սպորտային մարմնամարզության տղամարդկանց Հայաստանի հավաքականի գլխավոր մարզիչ Հակոբ Սերոբյանը նշանակվել է Լոնդոնի Օլիմպիական խաղերի մրցավար, հայտնում է ՀԱՕԿ-ի մամուլի քարտուղարությունը: 43-ամյա միջազգային բարձրագույն կարգի մրցավարը սպասարկել է Եվրոպայի 7 եւ աշխարհի 5 առաջնություններ:
Հակոբ Սերոբյանը մայիսի 5-ին Քուվեյթում մեկնարկելիք արաբական երկրների առաջնությունում կլինի առանձին գործիքներով վարժությունների մրցաշարերից մեկի մրցավարական հանձնախմբի աշխատանքների վերահսկողը: Նա կսպասարկի նաեւ մայիսի 20-ից 28-ը Ֆրանսիայում կայանալիք Եվրոպայի առաջնությունը:
Հետևեք NEWS.am SPORT-ին Facebook-ում, Twitter և Telegram-ում