21:20  AMT,  23 հունվարի, 2013

Մաուրո Գեւգեոզյան. Չեմ միանա Հայաստանի հավաքականին, քանի որ ՀՖՖ-ն առաջին կարգի տոմս չտրամադրեց ինձ

Ես հրավեր ստացել եմ Հայաստանի ազգային հավաքականից եւ պատրաստվում էի միանալ հավաքականին: Միակ պահանջը, որ ներկայացրել էի Հայաստանի ֆուտբոլի ֆեդերացիային, դա ինքնաթիռի առաջին կարգի տոմսն էր, սակայն ՀՖՖ-ն մերժեց ինձ: Թռիչքը տեւում է 20 ժամ եւ ես ընդամենը մեկ օր էի ունենալու ուժերս վերականգնելու համար:

Այդ մասին NEWS.am Sport-ի թղթակից Վերա Մարտիրոսյանի հետ զրույցում հայտարարեց ուրուգվայական «Ֆենիքսի» 27-ամյա հարձակվող Մաուրո Գեւգեոզյանը, ով մոտ օրերս կտեղափոխվի պարագվայական «Լիբերտադ»:

«Ես չեմ միանա Հայաստանի հավաքականին փետրվարի 5-ին կայանալիք Լյուքսեմբուրգի թիմի հետ խաղին: Ես հրավեր ստացել եմ Հայաստանի հավաքականից եւ պատրաստվում էի միանալ հավաքականին: Միակ պահանջը, որ ներկայացրել էի Հայաստանի ֆուտբոլի ֆեդերացիային, դա ինքնաթիռի առաջին կարգի տոմսն էր: Ես երկար ժամանակ պետք է անցկացնեի ինքնաթիռում: Գալիս եմ լրիվ այլ աշխարհամասից: Թռիչքը տեւում է 20 ժամ եւ ես ընդամենը մեկ օր եմ ունենալու ուժերս վերականգնելու համար: Դա իմ միակ պահանջն էր եւ կարծում եմ՝ այն արդարացի էր` հաշվի առնելով ճանապարհի երկարությունը: Սակայն ինձ մերժեցին: Ստացվում է, որ ես այնքան էլ կարեւոր ֆուտբոլիստ չեմ Հայաստանի հավաքականի համար եւ առավելագույնն արժանի եմ ինքնաթիռի էկոնոմ կարգով ժամանելուն: Նորանոր հաղթանակներ եմ մաղթում Հայաստանի հավաքականին»,- զրույցում ասաց Մաուրո Գեւգեոզյանը:

Հիշեցնենք, որ փետրվարի 5-ին Հայաստանի ազգային հավաքականը Ֆրանսիայի Վալանս քաղաքում  ընկերական հանդիպում կանցկացնի Լյուքսեմբուրգի թիմի հետ: Այդ խաղին մասնակցելու հրավեր են ստացել նաեւ «Ուֆայի» հարձակվող Միխայիլ Մարկոսովը եւ հոլանդական «Էմեննի» կիսապաշտպան Նորայր Ասլանյանը, ով փոխել է Մամեդով ազգանունը Հայաստանի հավաքականում հանդես գալու համար:

NEWS.am Sport


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Hovsep 00:18-24/01
Մի շարք գործոններ հաշվի առնելով, ֆեդերացիան պետք է ընդառաջեր...
karen 09:21-24/01
bajc vor gar u vat xaxar,hazar ban kasein che???????????
Armen 22:40-04/02
es mi ban chem haskanum,ete uzum es xaxal havaqakanum,et tomsi xndir@ et kargi futbolisti hamar edqan problem er, karces baki siroxakan futbolisti en hravirel xexj txan gumar chuner, amota uxaki dra hamar hrajarvel havaqakanic, ete hima da e patjarabanum vaxn el karoxa asi gluxs cavuma mi qich pox tveq dex arnem, lav da katakov, baic federacian el mi koxmic sxal e tuyl tvel,mi guce et txan shat ogut tar mez
  • Այս թեմայով

  • Ֆեյսբուք
  • Հարցում
Ո՞ր թիմը կդառնա ֆուտբոլի 2014թ. աշխարհի չեմպիոն
Բրազիլիա
Արգենտինա
Իսպանիա
Գերմանիա
Իտալիա
Անգլիա
Ֆրանսիա
Այլ հավաքական
  • Վիճակագրություն
  • Արխիվ