Սերժ Սարգսյանը ցավակցական հեռագիր է հղել անվանի մարզիկ, հրաձգության աշխարհի եւ Եվրոպայի բազմակի չեմպիոն, սպորտի վաստակավոր վարպետ Զինաիդա Սիմոնյանի ընտանիքին, հարազատներին եւ մերձավորներին՝ Զինաիդա Սիմոնյանի վաղաժամ մահվան կապակցությամբ:
Զինաիդա Սիմոնյանը մահացավ մարտի 23-ին, 62 տարեկանում, ծանր հիվանդությունից հետո: Նա եղել է Խորհրդային Միության 18-ակի, Եվրոպայի 16-ակի եւ աշխարհի քառակի ոսկե դափնեկիր, սահմանել է ԽՍՀՄ, Եվրոպայի եւ աշխարհի 56 ռեկորդ:
ԽՍՀՄ սպորտի վաստակավոր վարպետ էր, ԽՍՀՄ սպորտպետկոմի ու ՀՀ ԿԳ նախարարության ոսկե մեդալակիր, արժանացել է «Մովսես Խորենացի» մեդալի, ՀԱՕԿ-ի գործկոմի անդամ էր:
Հետևեք NEWS.am SPORT-ին Facebook-ում, Twitter և Telegram-ում