Երեւանի Շախմատի տանը դեկտեմբերի 10-12-ը կանցկացվի շախմատի երիտասարդական մրցաշար, որին կմասնակցեն Հայաստանում բնակվող Ռուսաստանի քաղաքացիները:
Մրցաշարի անցկացմանը կաջակցեն Մոսկվայի կառավարության արտաքին վարչության եւ միջազգային հարաբերությունների բաժինը եւ Երեւանում «Մոսկվայի տունը»:
17-23 տարեկան շախմատիստները շվեյցարական համակարգով եւ FIDE-ի արագ շախմատի կանոններով կխաղան 11 տուր: Մրցաշարին կմասնակցեն 50 շախմատիստներ Երեւանի համալսարաններից եւ մարզերից:
Հաղթողները կստանան պատվոգրեր եւ հուշանվերներ:
Հետևեք NEWS.am SPORT-ին Facebook-ում, Twitter և Telegram-ում