Մյունխենի «Բավարիայի» գերմանացի գլխավոր մարզիչ Թոմաս Տուխելը Մադրիդի «Ռեալի» դեմ Չեմպիոնների լիգայի կիսաեզրափակիչի առաջին հանդիպումից առաջ դրվատանքով է խոսել Արքայական թիմի իտալացի գլխավոր մարզիչ Կառլո Անչելոտիի մասին։
«Անչելոտին մեծ ներդրում ունի ֆուտբոլում խաղացողի եւ մարզիչի կարգավիճակում։ Նրան կարելի է համարել լեգենդ, բայց նա նախկինի նման շատ համեստ է։ Անչելոտին Լա Լիգայում հերթական չեմպիոնական տիտղոսի շեմին է»,- Տուխելի խոսքը մեջբերում է Goal.com-ը։
Տուխելը ամռանը կհեռանա «Բավարիայի» գլխավոր մարզիչի պաշտոնից։
«Բավարիա» - «Ռեալ» առաջին հանդիպումը տեղի կունենա ապրիլի 30-ին Մյունխենում եւ կմեկնարկի Երեւանի ժամանակով 23:00-ին։
Հետևեք NEWS.am SPORT-ին Facebook-ում, Twitter և Telegram-ում