Ստամբուլում ՈւԵՖԱ-ի եւ Եվրոպական ակումբների ասոցիացիայի ստորագրած Փոխըմբռնման հուշագիրը պատմական է եվրոպական ակումբային ֆուտբոլի համար, հայտարարել է Ասոցիացիայի նախագահ Կարլ Հայնց Ռումենիգեն:
«ՈւԵՖԱ-ն հստակ ճանաչում է ակումբների կարեւոր նշանակությունը եւ ազգային հավաքականների հաջողություններում ունեցած ներդրումը: Համաձայնագիրը արտացոլում է ակումբների եւ հավաքականների միջեւ հավասարակշռությունը որպես եվրոպական ֆուտբոլային ընտանիքի լուրջ հաջողություն:
Եվրո-2012-ի եկամուտներից ակումբները կստանան 100 միլիոն եվրո, իսկ Եվրո-2016-ից 150 միլիոն»,- ասել է Ռումենիգեն:
Միշել Պլատինին հայտարարել է, որ ազգային ասոցիացիաների եւ ակումբների միացյալ դիրքորոշումը միայն օգուտ կբերի եվրոպական ֆուտբոլին, փոխանցում է ՈւԵՖԱ-ի կայքը:
Հետևեք NEWS.am SPORT-ին Facebook-ում, Twitter և Telegram-ում