«Ռեալը» խուսափեց պարտությունից «Աթլետիկոյի» հետ դերբիում (տեսանյութ)

Իսպանիայի առաջնության 23-րդ տուրում չեմպիոն «Ռեալն» ընդունեց «Աթլետիկոյին»։ Մադրիդյան դերբիում հաղթող չեղավ՝ 1:1:

64-րդ րոպեին հեռացվեց «Աթլետիկոյի» արգենտինացի հարձակվող Անխել Կոռեան, որը խաղադաշտի կենտրոնում արմունկով հարվածեց գերմանացի պաշտպան Անտոնիո Ռյուդիգերին։ 78-րդ րոպեին խաղի հաշիվը բացեցին հյուրերը։ Արգենտինացի Դիեգո Սիմեոնեի գլխավորած թիմին առաջ մղեց ուրուգվայցի պաշտպան Խոսե Խիմենեսը։

Իտալացի Կառլո Անչելոտիի գլխավորած թիմին պարտությունից փրկեց իսպանացի հարձակվող Ալվարո Ռոդրիգեսի գոլը 85-րդ րոպեին։

«Ռեալը» 52 միավորով երկրորդն է եւ 7 միավոր հետ է առաջատար «Բարսելոնայից», որը մեկ հանդիպում քիչ է անցկացրել։ «Աթլետիկոն» չորրորդն է՝ 42 միավոր։

Իսպանիայի առաջնություն, 23-րդ տուր

«Ռեալ Մադրիդ» - «Աթլետիկո Մադրիդ»՝ 1:1 (տեսանյութ)

Ալվարո Ռոդրիգես, 85 - Խոսե Խիմենես, 78

Հեռացում՝ Անխել Կոռեա («Աթլետիկո»), 64

Հետևեք NEWS.am SPORT-ին Facebook-ում, Twitter և Telegram-ում