Ամփոփելով Իսպանիայի առաջնության 29-րդ տուրի «Բարսելոնա» - «Գրանադա» (5:3) հանդիպումը` կատալոնացիների գլխավոր մարզիչ Խոսեպ Գվարդիոլան հայտարարել է, որ Լիոնել Մեսին խաղադաշտում կարող է ամեն ինչ, եւ դրան որեւէ բան հակադարձելն անիմաստ է:
«24 տարեկանում դառնալ «Բարսելոնայի» բոլոր ժամանակների լավագույն ռմբարկու` անհավանական է: Ես հիացած եմ նրա խաղով: Մեսիին կարելի է համեմատել Մայքլ Ջորդանի հետ, որը գերիշխում էր բասկետբոլում»,- Գվարդիոլայի խոսքը մեջբերում է AS-ը:
Հիշեցնենք, որ «Գրանադայի» հետ խաղում Մեսին երեք գնդակ խփեց:
Հետևեք NEWS.am SPORT-ին Facebook-ում, Twitter և Telegram-ում