21:53  AMT,  8 սեպտեմբերի, 2012

Բրոնզե մեդալ` աշխարհի առաջնությունից

Թաիլանդում ընթացող ազատ ոճի ըմբշամարտի աշխարհի առաջնության առաջին օրը Հայաստանը նվաճեց մեկ բրոնզե մեդալ:

60 կգ քաշային կարգում Վոլոդյա Ֆրանգուլյանը երեք հաղթանակից հետո հասավ կիսաեզրափակիչ, որտեղ պարտվեց ռուսաստանցի Զաիրբեգ Մուզարովին` 0:4, 1:6: Բրոնզե մեդալի համար գոտեմարտում Վոլոդյա Ֆրանգուլյանը 3:2, 2:1 հաշվով առավելության հասավ Ուկրաինան ներկայացնող Գոռ Հովհաննիսյանի նկատմամբ:

50 կգ քաշային կարգում Գեւորգ Արզումանյանն առաջին գոտեմարտում 6:0, 7:3 հաշվով պարտության մատնեց ճապոնացի Յույա Կավաբատային, սակայն երկրորդ գոտեմարտում 0:3, 1:2 հաշվով պարտվեց ռուսաստանցի Մագոմեդ Մագոմեդալիեւին: Ռուսաստանցի ըմբիշը հետագայում հասավ մինչեւ եզրափակիչ եւ նվաճեց ոսկե մեդալը: Գեւորգ Արզումանյանը հնարավորություն ստացավ պայքարը շարունակել բրոնզե մեդալի համար, սակայն երկու սփոփիչ գոտեմարտերում հաղթելուց հետո բրոնզե մեդալի համար վճռական գոտեմարտում 0:1, 0:6 հաշվով պարտվեց իրանցի Ալիռեզա Ղորբան Հաթամիին:

74 կգ քաշային Գրիգոր Գրիգորյանը մեկնարկում 7:0, 3:1 հաշվով հաղթեց շվեդ Լարս Կիմ Ստենբերգին, 1/8 եզրափակիչում 9:3, 8:3 հաշվով պարտության մատնեց ղազախ Սակեն Այտժանովին, քառորդ եզրափակիչում 0:4 հաշվով պարտվեց ռուսաստանցի Զաուր Մակիեւին: Բրոնզե մեդալի համար գոտեմարտում Գրիգոր Գրիգորյանը 2:0, 3:4, 0:2 հաշվով պարտվեց Նյամբայար Բաատարին:

96 կգ քաշային կարգում Հայաստանը ներկայացնող Վիկտոր Կազիշվիլին հենց առաջին գոտեմարտում պարտվեց մոնղոլ Խուդերբուլգա Դորխանդին:

NEWS.am Sport


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս

  • Ֆեյսբուք
  • Վիճակագրություն
  • Արխիվ