Կասիլյասի կնոջ մոտ հայտնաբերվել է չարորակ ուռուցք
00:35 22 մայիսի, 2019«Պորտուի» դարպասապահ Իկեր Կասիլյասի կինը հայտնել է, որ պայքարում է քաղցկեղի դեմ։ Հայտնի իսպանացի հեռուստալրագրողուհի Սառա Կարբոներոն արդեն վիրահատվել է, սակայն մի քանի ամիս դեռ պետք է բուժում ստանա։
«Դեռ չէինք հաղթահարել նախորդ վախը, կյանքը մեզ դարձյալ զարմացրեց։ Մի քանի օր առաջ բժիշկներն ինձ մոտ ախտորոշեցին ձվարանների չարորակ ուռուցք, եւ ես արդեն վիրահատվել եմ։ Ամեն ինչ լավ է անցել։ Բարեբախտաբար, հիվանդությունը հայտնաբերվել է վաղ փուլում, բայց դեռ մի քանի ամիս պետք է պայքարեմ մինչեւ բուժման ավարտը։
Ես հանգիստ եմ եւ վստահ, որ ամեն ինչ լավ կլինի։ Գիտեմ, որ կլինի դժվար ճանապարհ, բայց երջանիկ ավարտով։ Ես ունեմ ընտանիքիս, ընկերներիս եւ գերազանց բժշկական թիմի աջակցություն»,- Ինստագրամում գրել է Կարբոներոն։
Հիշեցնենք, որ իսպանացի լեգենդար դարպասապահը մայիսի 1-ին սրտի կաթված էր ստացել մարզման ժամանակ։ Նա ենթարկվել էր ստենտավորման եւ դուրս գրվել հիվանդանոցից մայիսի 6-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.