ՈւԵՖԱ-ն հարգանքով է վերաբերվում Լոնդոնի «Արսենալի» որոշմանը մայիսի 29-ին Բաքվում կայանալիք Եվրոպայի լիգայի եզրափակիչին չհայտավորել Հայաստանի հավաքականի կիսապաշտպան Հենրիխ Մխիթարյանին։
Այդ մասին ասվում է ՈւԵՖԱ-ի հայտարարությունում` NEWS.am Sport-ի հարցմանն ի պատասխան։
««Արսենալի» հետ համագործակցելով՝ ՈւԵՖԱ-ն Ադրբեջանի իշխանությունից հայցել եւ ստացել է Մխիթարյանի անվտանգության երաշխիքներ, որոնց արդյունքում մշակվել եւ «Արսենալին» է փոխանցվել անվտանգության համալիր ծրագիր։
Թեեւ ակումբն ընդունում է ՈւԵՖԱ-ի եւ Ադրբեջանի կառավարության ջանքերն այս հարցում, սակայն մենք հարգում ենք ակումբի որոշումը մեկնել առանց Մխիթարյանի»,- ասվում է ՈւԵՖԱ-ի հայտարարությունում։
Հիշեցնենք՝ «Արսենալը» Մխիթարյանի եւ նրա ընտանիքի հետ քննարկումների արդյունքում որոշել է, որ հայ ֆուտբոլիստը չի մեկնի Բաքու։
Եզրափակիչում «Արսենալի» մրցակիցը կլինի Լոնդոնի «Չելսին»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։