Հայաստանի ազգային հավաքականի նախկին խաղացող, Երեւանի «Ալաշկերտի» հարձակվող Էդգար Մանուչարյանը քննադատական գրառում է կատարել։
«Հայաստանի առաջնության մրցավարների ելույթից պարզա դառնում, որ ոչ մի բան չի փոխվել ֆուտբոլում, մնացել է նույն, հին մարդկանց ձեռագիրը»,- գրել է Էդգար Մանուչարյանը Ֆեյսբուքում։
Հիշեցնենք, որ 34-րդ տուրի «Լոռի» - «Փյունիկ» խաղում գլխավոր մրցավար Արտակ Սիմոնյանը վերջնամասում չնշանակեց ակնհայտ 11 մետրանոց «Փյունիկի» օգտին։ Հանդիպումն ավարտվեց 2։2 հաշվով։ 2 միավորի կորուստը կարող է տիտղոսի գին ունենալ ռուսաստանցի Տարխանովի գլխավորած թիմի համար։
31 հանդիպում անցկացրած «Փյունիկը» մրցաշարային աղյուսակը գլխավորում է 57 միավոր։ Մեկ հանդիպում քիչ անցկացրած «Արարատ-Արմենիան» հետ է 2 միավոր։ «Փյունիկին» մնացել է անցկացնել մեկ հանդիպում «Արարատի» հետ, «Արարատ-Արմենիային»՝ երկու հանդիպում «Արցախի» եւ «Բանանցի» հետ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։