«Նապոլին» մերժել է 110 միլիոն եվրոյի առաջարկը «Մանչեսթեր Յունայթեդից»
18:43 20 մայիսի, 2019Իտալական «Նապոլին» հրաժարվել է «Մանչեսթեր Յունայթեդին» վաճառել սենեգալցի պաշտպան Կալիդու Կուլիբալիին։ Անգլիական ակումբն արել է 110 միլիոն եվրոյի առաջարկ, սակայն «Նապոլիի» նախագահ Դե Լաուրենտիսը որոշել է սպասել եւս մեկ տարի, հաղորդում է La Gazzetta dello Sport-ը։ Հաջորդ տարի նրա ամրագրված տրանսֆերային արժեքը կլինի 150 միլիոն եվրո։
27-ամյա Կուլիբալին «Նապոլիում» է 2014 թվականից։ Իտալիայի ավարտվող առաջնությունում նա մասնակցել է 35 հանդիպման, խփել 2 գոլ, կատարել նույնքան գոլային փոխանցում։ Նրա պայմանագիրն իտալական ակումբի հետ նախատեսված է մինչեւ 2023 թվականը։ Այս մրցաշրջանում Կուլիբալին ճանաչվել է Սերիա Ա-ի լավագույն պաշտպան։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։