Չավի․ «Բարսելոնա» վերադառնալուս ժամանակը դեռ չի եկել

00:28   18 մայիսի, 2019

Քաթարի «Ալ Սադում» հանդես եկող «Բարսելոնայի» եւ Իսպանիայի հավաքականի նախկին կիսապաշտպան Չավին չի շտապում վերադառնալ կատալոնական ակումբ։ Նա ամռանը կավարտի ֆուտբոլիստի կարիերան եւ կզբաղեցնի «Ալ Սադի» մարզիչի պաշտոնը։

«Չեմ հերքի, որ ցանկանում եմ վերադառնալ «Բարսելոնա», բայց պետք է պատրաստ լինեմ դրան։ Պետք է մարզիչի փորձ հավաքեմ։ Այդ պատճառով «Բարսելոնա» վերադառնալուս ժամանակը դեռ չի եկել»,- Չավիի խոսքը մեջբերում է AS-ը։

39-ամյա Չավին «Բարսելոնայի» սան է եւ կատալոնական ակումբում հանդես է եկել 1998-2015 թվականներին՝ անցկացնելով 769 հանդիպում, ինչն ակումբային ռեկորդ է։ Նա 8 անգամ դարձել է Իսպանիայի չեմպիոն, երեք անգամ՝ գավաթակիր, վեց անգամ՝ սուպերգավաթակիր, չորս անգամ՝ Չեմպիոնների լիգայի գավաթակիր։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։