Մոուրինյո․ Մեսին ձախողվեց ՉԼ-ում, կասկածներ ունեմ «Ոսկե գնդակի» հարցում

23:47   17 մայիսի, 2019

Պորտուգալացի մարզիչ Ժոզե Մոուրինյոն կասկածներ ունի, որ «Բարսելոնայի» արգենտինացի հարձակվող Լիոնել Մեսին այս տարի կստանա իր 6-րդ «Ոսկե գնդակը», թեեւ Չեմպիոնների լիգայի կիսաեզրափակիչի առաջին խաղից հետո Մոուրինյոն հայտարարել է, որ Մեսին արժանի է «Ոսկե գնդակի»։

Այդ խաղում արգենտինացին դարձել էր դուբլի հեղինակ, կատալոնական թիմը հաղթել էր 3։0 հաշվով, սակայն պատասխան խաղում պարտվեց 0։4 հաշվով, իսկ Մեսիի խաղը չստացվեց։

«Ես կասկածներ ունեմ, որ Մեսին այս տարի արժանի է «Ոսկե գնդակի», քանի որ Չեմպիոնների լիգայում նա ձախողվեց»,- Մոուրինյոյի խոսքը մեջբերում է Get French Football News-ը։

Չեմպիոնների լիգայի ընթացիկ մրցաշրջանում Մեսին 10 խաղում խփել է 12 գոլ, կատարել 3 գոլային փոխանցում։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։