Գվարդիոլա․ Գրիզմանը չի հետաքրքրում մեզ

Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան հայտնել է, որ աշխարհի չեմպիոն Ֆրանսիայի հավաքականի հարձակվող, Մադրիդի «Աթլետիկոյից» հեռացող Անտուան Գրիզմանին ձեռք բերելու մտադրություն չունեն։

««Բարսելոնան» կարող է չանհանգստանալ։ «Մանչեսթեր Սիթին» չի պատրաստվում գնել Գրիզմանին։ Մենք չենք կարող մեզ թույլ տալ դա։ Մեզ չի հետաքրքրում Անտուանը»,- Գրիզմանի խոսքը մեջբերում է Goal.com-ը։

Գրիզմանի տրանսֆերի գինը հուլիսի 1-ից կկազմի 120 միլիոն եվրո։ Սպասվում է, որ նրան ձեռք կբերի «Բարսելոնան»։

Իսպանիայի ավարտվող առաջնությունում 28-ամյա ֆուտբոլիստը 36 խաղում խփել է 15 գոլ, կատարել 9 գոլային փոխանցում։