Գվարդիոլա. Ես չեմ պատրաստվում տեղափոխվել «Յուվենտուս»

18:47   17 մայիսի, 2019

Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան հերքել է լուրերը, թե ամռանը գլխավորելու է Իտալիայի չեմպիոն Թուրինի «Յուվենտուսը», որը պաշտոնանկ է անելու իտալացի Մասիմիլիանո Ալեգրիին։

«Բազմիցս կրկնել եմ, որ չեմ պատրաստվում տեղափոխվել «Յուվենտուս», չեմ պատրաստվում տեղափոխվել Իտալիա։ «Մանչեսթեր Սիթիում» ամեն ինչից գոհ եմ եւ հեռանալու մտադրություն չունեմ։ Հաջորդ մրցաշրջանում եւս կլինեմ «Մանչեսթեր Սիթիի» մարզիչը։ Բազմիցս ասել եմ այդ մասին»,– Գվարդիոլայի խոսքը մեջբերում է ESPN-ը։

«Յուվենտուսի» գլխավոր մարզիչի հիմնական թեկնածուն համարվում է աշխարհի չեմպիոն Ֆրանսիայի հավաքականի գլխավոր մարզիչ Դիդյե Դեշամը։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։