Նիկո Կովաչը կհեռացվի «Բավարիայից» եւ կվերադառնա «Այնտրախտ»

15:46   17 մայիսի, 2019

Մյունխենի «Բավարիան» մրցաշրջանի ավարտից հետո պաշտոնանկ կանի թիմի խորվաթ գլխավոր մարզիչ Նիկո Կովաչին, որն անցած ամռանն էր գլխավորել գերմանական սուպերակումբը։ «Բավարիայի» ղեկավարությունը դժգոհ է նրա աշխատանքից եւ անկախ վերջին երկու հանդիպումներից արդյունքից Կովաչը կհեռացվի, հաղորդում է Goal.com-ը։

Մայիսի 18–ին «Բավարիան» կընդունի Ֆրանկֆուրտի «Այնտրախտին» եւ չպարտվելու դեպքում կպաշտպանի չեմպիոնի տիտղոսը։ Երկրորդ տեղում ընթացող Դորտմունդի «Բորուսիան» հետ է 2 միավոր։

Գերմանիայի գավաթի խաղարկության եզրափակիչում «Բավարիան» մայիսի 25–ին կմրցի «ՌԲ Լայպցիգի» հետ։

Սպասվում է, որ 47–ամյա Նիկո Կովաչը դարձյալ կգլխավորի Ֆրանկֆուրտի «Այնտրախտը», որի գլխավոր մարզիչն է եղել 2016–2018 թվականներին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։