Սթենլիի Գավաթ․ «Բոստոնը» եզրափակիչում է

«Բոստոն Բրյուինզը» դուրս եկավ տափօղակով հոկեյի Սթենլիի գավաթի խաղարկության եզրափակիչ։ Հոկեյի ազգային լիգայի Արեւելյան գոտու եզրափակիչ շարքում «Բոստոնը» չորս անընդմեջ հաղթանակ տարավ «Կարոլինայի» նկատմամբ։ Չորրորդ խաղում «Բոստոնը» հաղթել է 4։0 հաշվով։

Եզրափակիչի երկրորդ ուղեգիրը Արեւմուտքում վիճարկում են «Սան Խոսե Շարքսն» ու «Սենթ Լուիս Բլյուզը», որոնք արդեն անցկացրել են երեք հանդիպումը եւ շարքում 2։1 հաշվով առջեւում է «Սան Խոսեն»։ Այս զույգի չորրորդ հանդիպումը տեղի կունենա մայիսի 18-ին։

Your Prince of Wales Trophy winners — the @NHLBruins! #StanleyCup pic.twitter.com/aAepbO0G1H

— NHL (@NHL) May 17, 2019