ՖԻԴԵ «Գրան պրիի». Լեւոն Արոնյանը 1/8 եզրափակիչում կխաղա Յան Նեպոմնյաշչիի հետ

00:16   17 մայիսի, 2019

Հայկական շախմատի առաջատար Լեւոն Արոնյանը մայիսի 17-ին կմեկնարկի ՖԻԴԵ-ի «Գրան պրի» շարքի առաջին փուլի մրցաշարում, որը կանցկացվի «նոկաուտ» համակարգով:

Մոսկվայում անցկացվելիք մրցաշարի 1/8 եզրափակիչում հայ գրոսմայստերի մրցակիցը կլինի ռուս Յան Նեպոմնյաշչին: Գրոսմայստերները կանցկացնեն 2 դասական պարտիա, եւ ոչ ոքի արդյունքի դեպքում պայքարը կշարունակվի թայ-բրեյքում:

1/8 եզրափակիչի առաջին պարտիաները կանցկացվեն մայիսի 17-ին՝ Երեւանի ժամանակով 16:00-ին:

ՖԻԴԵ-ի «Գրան պրիի» ընդհանուր հաշվարկի առաջին եւ երկրորդ տեղ զբաղեցրած շախմատիստներն իրավունք են ստանում մասնակցել աշխարհի չեմպիոնի կոչման հավակնորդների մրցաշարին:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։