Փարիզի ՊՍԺ-ի իտալացի դարպասապահ Ջանլուիջի Բուֆոնը ֆուտբոլի Իտալիայի հավաքականի գլխավոր մարզիչ Ռոբերտո Մանչինիին կոչ է արել ֆրանսիական «Մարսելի» հարձակվող Մարիո Բալոտելիին հրավիրել ազգային թիմ:
«Մարիոյի մոտ ամեն բան կարգին է «Մարսելում», նա դրսեւորում է անկեղծություն ու հասունություն: Նա հրաշալի համապատասխանում է հավաքականին: Շատ է խոսվում, որ ֆրանսիական լիգան այնքան էլ ուժեղ չէ: Գուցե առաջնությունը զարգացած չէ տակտիկայի տեսանկյունից, սակայն շատ լավն է ֆիզիկական պատրաստվածության եւ տեխնիկայի առումով: ՊՍԺ-ից բացի, «Լիոնն» ու «Լիլն» Իտալիայի առաջնությունում կլինեին լավագույն հնգյակում»,- Բուֆոնի խոսքը մեջբերում է E poi c'e Cattelan-ը:
Ֆրանսիայի ընթացիկ առաջնությունում 28-ամյա Բալոտելին մասնակցել է 24 խաղի, խփել 8 գոլ եւ կատարել մեկ գոլային փոխանցում: Նա Իտալիայի հավաքականում անցկացրել է 36 հանդիպում եւ դարձել 14 գոլի հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։