AIBA-ն ու ՄՕԿ-ը կքննարկեն բռնցքամարտի ապագայի հարցն Օլիմպիական խաղերում

14:40   16 մայիսի, 2019

Սիրողական բռնցքամարտի միջազգային ասոցիացիայի (AIBA) եւ Միջազգային օլիմպիական կոմիտեի (ՄՕԿ) միջեւ բանակցությունների վերջին փուլը տեղի կունենա մայիսի 20-ին:

Մայիսի 22-ին Լոզանում անցկացվելիք ՄՕԿ-ի Գործկոմի խորհրդի նիստում կհրապարակվի վերջնական որոշումը բռնցքամարտը Տոկիոյում կայանալիք 32-րդ ամառային Օլիմպիական խաղերի ծրագրում պահպանելու վերաբերյալ, փոխանցում է Insidethegames-ը:

«Ցանկանում ենք բռնցքամարտը պահպանել Տոկիոյի Օլիմպիական խաղերի ծրագրում: Այլ հարց է, թե արդյոք AIBA-ն կանցկացնի բռնցքամարտի մրցաշարը, թե ստիպված կլինենք փնտրել այլ կազմակերպություն: Ամեն դեպքում, մարզական միջոցառման կազմակերպումը հրթիռաշինություն չէ, եւ մենք գլուխ կհանենք»,- ասել է ՄՕԿ նախագահ Թոմաս Բախը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։