Լոնդոնի «Չելսիի» ղեկավարությունը որոշել է այս մրցաշրջանի վերջում բաժանվել արգենտինացի հարձակվող Գոնսալո Իգուաինից, որի տրանսֆերային իրավունքը պատկանում է Թուրինի «Յուվենտուսին»:
2 կողմերի միջեւ պայմանավորվածության համաձայն՝ անգլիական ակումբը հնարավորություն ունի գնել 31-ամյա ֆուտբոլիստի տրանսֆերային իրավունքը կամ մեկ մրցաշրջանով երկարաձգել վարձակալության ժամկետը, սակայն որոշել է չօգտվել դրանցից, գրում է Daily Mail-ը:
Իգուաինը հունվարին է միացել «Չելսիին», որի կազմում անցկացրել է 21 խաղ եւ խփել 5 գոլ:
«Յուվենտուսը» եւս հույսեր չի կապում արգենտինացու հետ եւ կփորձի այլ ակումբ գտնել նրա համար:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։