Եզրափակիչում «Ուրալի» մրցակիցը «Լոկոմոտիվն» է

23:22   15 մայիսի, 2019

Ֆուտբոլի Ռուսաստանի գավաթի խաղարկության եզրափակիչի երկրորդ ուղեգիրը նվաճեց Մոսկվայի «Լոկոմոտիվը», որը պայքարից դուրս թողեց «Ռոստովին»։

Կիսաեզրափակիչի պատասխան խաղում Յուրի Սյոմինի գլխավորած թիմն առավելության հասավ 2։0 հաշվով։ Մոսկվայում տեղի ունեցած առաջին խաղում գրանցվել էր ոչ ոքի՝ 2։2։

Առաջինը եզրափակիչ էր դուրս եկել Եկատերինբուրգի «Ուրալը», որի մրցակիցն էր Տուլայի «Արսենալը»։ Եկատերինբուրգում «Ուրալը» հաղթել էր 1։0 հաշվով։ Պատասխան խաղն ավարտվել էր ոչ ոքի՝ 2։2։ Հայաստանի հավաքականի եւ «Ուրալի» պաշտպան Վարազդատ Հարոյանը դարձել էր ինքնագոլի հեղինակ։

Եզրափակիչը տեղի կունենա մայիսի 22-ին Սամարայում։

Ռուսաստանի Գավաթ, կիսաեզրափակիչ, պատասխան խաղ

«Ռոստով» - «Լոկոմոտիվ»՝ 0։2

Ռիֆատ Ժեմալետդինով, 45+2, Ֆյոդոր Սմոլով, 62



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։