«Մանչեսթեր Յունայթեդի» ղեկավարները Սուլշերին թույլ չեն տալիս բաժանվել Մարտիալից

15:11   15 մայիսի, 2019

Ֆրանսիացի հարձակվող Անտոնի Մարտիալը կմնա «Մանչեսթեր Յունայթեդում»՝ չնայած նրան, որ անգլիական ակումբի գլխավոր մարզիչ Ուլե-Գունար Սուլշերին դուր չի գալիս նրա վերաբերմունքը մարզումներին ու կարգապահությանը:

The Mirror-ի համաձայն՝ Մարտիալը «Մանչեսթեր Յունայթեդի» համասեփականատեր Ջոել Գլեյզերի սիրելի ֆուտբոլիստներից է: Գլեյզերը նրան նույնիսկ համեմատում է բրազիլացի լեգենդար ֆուտբոլիստ Պելեի հետ:

Այս մրցաշրջանում ֆրանսիացի հարձակվողը մանչեսթերյան ակումբի կազմում անցկացրել է 27 հանդիպում, դարձել 10 գոլի ու 3 գոլային փոխանցման հեղինակ:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։