Գերմանիայի երկրորդ Բունդեսլիգայում հանդես եկող «Յան Ռեգենսբուրգի» գլխավոր մարզիչ Ահիմ Բայերլորցերն այս մրցաշրջանի վերջում կգլխավորի «Քյոլնը», հայտնում է ակումբի կայքը:
51-ամյա մասնագետը գերմանական ակումբի հետ պայմանագիր է կնքել մինչեւ 2021-ի ամառ:
Այս մրցաշրջանում «Քյոլնը» ժամանակից շուտ նվաճել է Բունդեսլիգայի ուղեգիր: Թիմը Գերմանիայի ուժեղագույնների լիգայից դուրս էր մնացել նախորդ մրցաշրջանում:
Հիշեցնենք, որ «Յան Ռեգենսբուրգում» է խաղում Հայաստանի հավաքականի կիսապաշտպան Սարգիս Ադամյանը: Երկրորդ Բունդեսլիգայի նախորդ տուրում «Յան Ռեգենսբուրգը» հյուրընկալվելիս 5:3 հաշվով հաղթել էր «Քյոլնին», իսկ Ադամյանը դարձել էր դուբլի հեղինակ: Ընթացիկ առաջնությունում Սարգիս Ադամյանը դարձել է 15 գոլի եւ 9 գոլային փոխանցման հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։