«Լոս Անջելես Լեյքերսն» ունի նոր գլխավոր մարզիչ

10:58   14 մայիսի, 2019

Ամերիկացի մասնագետ Ֆրենկ Վոգելը նշանակվել է Բասկետբոլի ազգային ասոցիացիայում (NBA) հանդես եկող «Լոս Անջելես Լեյքերսի» գլխավոր մարզիչ, փոխանցում է ակումբի մամուլի ծառայությունը:

Կողմերը կնքել են երկարաժամկետ պայմանագիր, որի մանրամասները չեն հրապարակվում:

45-ամյա մասնագետի նախորդ աշխատավայրը եղել է «Օռլանդոն», որը նա գլխավորել է 2016-2018-ը: Դրանից առաջ նա 5 տարի աշխատում էր «Ինդիանայում», որի հետ 2 անգամ նվաճել է Արեւելյան գոտու եզրափակիչի ուղեգիր: NBA-ում նա անցկացրել է 8 մրցաշրջան: 2005/06-ին Վոգելը սկաուտի աշխատանք է կատարել «Լեյքերսում»:

Հիշեցնենք, որ այս մրցաշրջանում «Լեյքերսը» չէր կարողացել նվաճել NBA-ի փլեյ-օֆֆի ուղեգիր: Կանոնավոր առաջնության 82 խաղերում լոսանջելեսցիները տարել էին 37 հաղթանակ:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։