ԵԼ․ «Չելսի» - «Արսենալ» եզրափակիչի մրցավարները

17:11   13 մայիսի, 2019

Ֆուտբոլի Եվրոպայի լիգայի եզրափակիչ հանդիպումը լոնդոնյան «Չելսիի» եւ «Արսենալի» մասնակցությամբ կսպասարկի 45-ամյա իտալացի մրցավար Ջանլուկա Ռոկին, հայտնում է ՈւԵՖԱ-ն։ Նրան կօգնեն իտալացիներ Ֆիլիպո Մելին եւ Լորենցո Մանգանելին։ Չորրորդ մրցավարը կլինի Դանիելե Օրսատոն։

Ջանլուկա Ռոկին այս մրցաշրջանում սպասարկել է Չեմպիոնների լիգայի վեց հանդիպում։ 2017 թվականին Ռոկին եղել է Եվրոպայի լիգայի «Այաքս» - «Մանչեսթեր Յունայթեդ» եզրափակիչի գլխավոր մրցավարը։ Նա նաեւ սպասարկել է 2017թ․ Եվրոպայի Սուպերգավաթի խաղը «Մանչեսթեր Յունայթեդի» եւ «Ռեալի» մասնակցությամբ։

Հիշեցնենք, որ Եվրոպայի լիգայի եզրափակիչը տեղի կունենա մայիսի 29-ին Բաքվում։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։