Ամերիկացի արագավազորդի խելահեղ եզրագիծը
14:40 13 մայիսի, 2019Ուշագրավ միջադեպ է տեղի ունեցել ԱՄՆ-ի Ֆեյետվիլ քաղաքում անցկացված աթլետիկայի SEC Outdoor Track & Field Championships մրցաշարում:
20-ամյա ամերիկացի Ինֆինիտ Տակերը 400 մետր արգելավազքի եզրագիծը հատել է ցատկով: Նա ամբողջ մրցատարաության ժամանակ եղել է առաջատարի դիրքում, սակայն վերջնամասում ամերիկացի Ռոբերտ Գրանտը շրջանցել է Տակերին: Հաղթանակը բաց չթողնելու համար Ինֆինիտ Տակերը դիմել է անհավանական քայլի:
«Փակեցի աչքերս 10-րդ արգելապատնեշի ժամանակ: Երբ բացեցի աչքերս, տեսա մորս եզրագծի մետ եւ ցատկեցի, որպեսզի գրկեմ նրան: Ահա եւ վերջ»,- ելույթից հետո նշել է Ինֆինիտ Տակերը, փոխանցում է ESPN-ը:
Ռոբերտ Գրանտը եւ Ինֆինիտ Տակերը թիմակիցներ են: Մրցումից հետո Գրանտը հայտնել է իր դժգոհությունը:
«Եթե ես ասեմ այն ամենը, ինչ մտածում եմ այս իրավիճակի վերաբերյալ, մարզիչը կհեռացնի ինձ թիմից»,- ասել է ամերիկացին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։