Արշակ Կորյանի դուբլը Ալեքսանդր Գրիգորյանի թիմին չի խանգարել նվաճել Պրեմյեր լիգայի ուղեգիր

Ֆուտբոլի Ռուսաստանի առաջին դիվիզիոնի 36-րդ տուրում «Տամբովը» մրցակցի դաշտում 0:2 հաշվով պարտվել է մերձմոսկովյան «Խիմկիին»: Դաշտի տերերի կազմում դուբլի հեղինակ է դարձել Հայաստանի պատանեկան հավաքականի նախկին հարձակվող Արշակ Կորյանը, որն աչքի է ընկել 15-րդ եւ 67-րդ րոպեներին:

Չնայած այդ պարտությանը՝ ռուսաստանցի մասնագետ Ալեքսանդր Գրիգորյանի գլխավորած «Տամբովը» «Սոչիի» պես ապահովել է Ռուսաստանի Պրեմյեր լիգայի ուղեգիր: Առաջնության ավարտից 2 տուր առաջ «Տամբովն» ունի 67 միավոր եւ «Սոչիի» հետ գլխավորում է մրցաշարային աղյուսակը: Երրորդ տեղում գտնվող «Տոմն» ունի 60 միավոր: 

Հիշեցնենք, որ «Խիմկին» վերջերս գլխավորել էր Երեւանի «Փյունիկից» հեռացած Անդրեյ Տալալաեւը: «Խիմկին» 50 միավորով 9-րդն է: