Ֆրանսիական ՊՍԺ-ի բրազիլացի հարձակվող Նեյմարը «Մերսեդեսի» բրիտանացի ավտոարշավորդ Լյուիս Հեմիլթոնին շնորհավորել է Ֆորմուլա-1-ի Իսպանիայի Մեծ մրցանակի հաղթողի կոչումը նվաճլու առթիվ:
«Շնորհավորում եմ, եղբայրս: Լյուիս Հեմիլթոն, դու լավագույնն ես»,- Instagram-ում գրել է Նեյմարը՝ հրապարակելով Հեմիլթոնի հետ լուսանկար:
Նեյմարը եւ Լյուիս Հեմիլթոնն ընկերներ են: Նրանք հաճախ են միասին մասնակցում տարբեր միջոցառումների:
Հիշեցնենք, որ Բարսելոնայում անցկացված մրցմանը Ֆորմուլա-1-ի գործող չեմպիոնին հաջորդել էր նրա ակումբակից Վալտերի Բոտասը, իսկ լավագույն եռյակը եզրափակել էր «Ռեդ Բուլի» ներկայացուցիչ Մաքս Ֆերստապենը:
Այդ հաղթանակից հետո Լյուիս Հեմիլթոնը հավաքեց 112 միավոր եւ դարձավ ընդհանուր հաշվարկի առաջատար: Վալտերի Բոտասը 105 միավորով նահանջեց երկրորդ տեղ, իսկ Մաքս Ֆերստապենը 66 միավորով երրորդն է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։