«Յուվենտուսը» պարտվեց Հռոմում (տեսանյութ)

Ֆուտբոլի Իտալիայի առաջնության 36-րդ տուրում չեմպիոնի տիտղոսն ապահոված Թուրինի «Յուվենտուսը» մրցակցի խաղադաշտում 0:2 հաշվով պարտվեց Հռոմի «Ռոմային»: Դաշտի տերերից խաղի վերջնամասում աչքի ընկան իտալացի պաշտպան Ալեսանդրո Ֆլորենցին ու բոսնիացի հարձակվող Էդին Ջեկոն: Սա թուրինյան ակումբի երրորդ պարտությունն էր ընթացիկ առաջնությունում (տեսանյութ):

Այս հաղթանակից հետո «Ռոման» հավաքեց 62 միավոր եւ հավասարվեց 5-րդ տեղում գտնվող «Միլանին»: «Յուվենտուսն» ունի 89 միավոր եւ 13 միավոր է առաջ երկրորդ տեղն ապահոված «Նապոլիից»:

Իտալիայի առաջնություն, 36-րդ տուր

«Ռոմա» - «Յուվենտուս»՝ 2:0

Ալեսանդրո Ֆլորենցի, 79, Էդին Ջեկո, 90+3