Պրեմյեր լիգան ունեցավ 3 լավագույն ռմբարկու
21:35 12 մայիսի, 2019Ֆուտբոլի Անգլիայի առաջնության լավագույն ռմբարկուի մրցանակը կիսեցին 3 խաղացողներ:
«Լիվերպուլի» հարձակվողներ Սադիո Մանեն ու Մոհամեդ Սալահը եւ Լոնդոնի «Արսենալի» գաբոնցի հարձակվող Պյեր-Էմերիկ Օբամեյանգը խփեցին 22-ական գոլ եւ ռմբարկուների ցուցակում բաժանեցին 1-3-րդ տեղերը: Մայիսի 12-ին կայացած վերջին տուրում Օբամեյանգը եւ Մանեն դարձան դուբլի հեղինակ, իսկ Սալահին գոլ խփել չհաջողվեց:
22 գոլի համար Մանեից ու Օբամեյանգից պահանջվեց 36-ական հանդիպում, իսկ Սալահից՝ 38:
Ռմբարկուների ցուցակում չորրորդ տեղը գրավեց «Մանչեսթեր Սիթիի» արգենտինացի հարձակվող Սերխիո Ագուերոն, որը խփեց 21 գոլ: «Լեսթերի» անգլիացի հարձակվող Ջեյմի Վարդին 18 գոլով եզրափակեց լավագույն հնգյակը:
Հիշեցնենք, որ Անգլիայի չեմպիոնի կոչումը նվաճել էր «Մանչեսթեր Սիթին»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։