Պրուդնիկովի արտակարգ գոլը չօգնեց «Ալաշկերտին», «Արարատ-Արմենիայի» կամային հաղթանակը
18:53 12 մայիսի, 2019Ֆուտբոլի Հայաստանի Բարձրագույն խմբի 32-րդ տուրի վերջին խաղում «Արարատ-Արմենիան» ընդունեց «Ալաշկերտին» եւ 2:1 հաշվով կամային հաղթանակ տարավ վերջնամասում խփած 2 գոլերի շնորհիվ: Ավանի ֆուտբոլային ակադեմիայում անցկացված հանդիպման հաշիվն առաջին խաղակեսի ավելացված ժամանակում բացեց ռուս հարձակվող Ալեքսանդր Պրուդնիկովը, որը դարձավ արտակարգ գեղեցիկ գոլի հեղինակ: Դաշտի տերերից վերջնամասում աչքի ընկան Ուգոչուկվու Լուիսը եւ Անտոն Կոբյալկոն: Ռուս կիսապաշտպան Անտոն Կոբյալկոն 12-րդ գոլը խփեց ընթացիկ առաջնությունում:
Այս հաղթանակից հետո «Արարատ-Արմենիան» 52 միավորով բարձրացավ երկրորդ տեղ եւ 3 միավոր է հետ առաջատար «Փյունիկից»: Երրորդ տեղում գտնվող «Բանանցն» ունի 50 միավոր, իսկ «Ալաշկերտը» 46 միավորով չորրորդն է: «Բանանցը» եւ «Ալաշկերտը» մեկական խաղ պակաս են անցկացրել:
Հայաստանի առաջնություն, 32-րդ տուր
«Արարատ-Արմենիա» - «Ալաշկերտ»՝ 2:1
Օգանա Ուգոչուկվու Լուիս, 79, Անտոն Կոբյալկո, 89 (11մ) – Ալեքսանդր Պրուդնիկով, 45+2
Հեռացում՝ Դանիել Ստոյկովիչ, 88 («Ալաշկերտ»)
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.