«Բարսելոնայի» կիսապաշտպանը մոտ է «Ինտեր» տեղափոխվելուն

22:18   11 մայիսի, 2019

«Բարսելոնայի» կիսապաշտպան Իվան Ռակիտիչը մոտ է Միլանի «Ինտեր» տեղափոխվելուն, հաղորդում է Goal.com-ը։ Խորվաթ ֆուտբոլիստի տրանսֆերը գնահատվում է 50 միլիոն եվրո։

Սպասվում է, որ ամռանն «Ինտերի» գլխավոր մարզիչի պաշտոնում Լուչանո Սպալետիին կփոխարինի Անտոնիո Կոնտեն։

Ռակիտիչն ընթացիկ մրցաշրջանում «Բարսելոնայի» հետ մասնակցել է 51 հանդիպման, խփել 5 գոլ, կատարել 9 գոլային փոխանցում։ Նրա պայմանագիրը կատալոնական ակումբի հետ նախատեսված է մինչեւ 2021 թվականը։ Ռակիտիչը «Բարսելոնա» է տեղափոխվել 2014-ին «Սեւիլիայից» 18 միլիոն եվրոյով։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։