Աշխարհի առաջին ռակետ, սերբ Նովակ Ջոկովիչը դուրս եկավ Մադրիդում ընթացող «Մասթերս» մրցաշարի եզրափակիչ՝ երկու սեթում առավելության հասնելով ավստրիացի Դոմինիկ Տիմի նկատմամբ՝ 7:6 (7։2), 7:6 (7։4)։
31-ամյա Ջոկովիչը Տիմի հետ նախորդ երկու հանդիպումներում պարտություն էր կրել։ Նա 48-րդ եզրափակիչը կանցկացնի «Մասթերս» շարքում եւ կպայքարի 33-րդ տիտղոսի համար այս շարքում։ Ջոկովիչը Մադրիդում տիտղոսակիր է դարձել 2011-ին եւ 2016-ին։
Նրա մրցակիցը եզրափակիչում կլինի իսպանացի Ռաֆայել Նադալի եւ հույն Ստեֆանոս Ցիցիպասի դիմակայության հաղթողը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։